Baixo o lema “Un pouco da túa compra é moito”, esta vixésimo sétima edición da Campaña de Recollida de Alimentos de EROSKI tiña como obxectivo animar aos consumidores a colaborar para paliar as necesidades dos colectivos máis desfavorecidos.

A Campaña de Recollida de Alimentos é unha das máis valoradas polos consumidores de EROSKI, como demostra o balance altamente positivo da campaña.

335.205 quilos de alimentos por un valor de 250.000 euros

Desde os seus inicios hai trece anos, EROSKI leva recollido máis de 2.998.616 quilos de alimentos, e durante a pasada campaña, Fundación EROSKI fixo entrega de 335.205 quilos aos Bancos de Alimentos, cuxo valor supera os 250.000 euros. O compromiso de EROSKI nesta campaña consistiu en achegar un 20% máis do total de quilos de alimentos doados en cada establecemento.

Os consumidores que colaboraron puideron facelo doando de forma voluntaria alimentos depositados nas mesas sinaladas nos Centros EROSKI. Os Bancos de Alimentos correspondentes recollen as doazóns e distribúenas entre as máis de 6.556 entidades benéficas ás que prestan a súa axuda.

Esta acción enmárcase dentro do acordo que EROSKI subscribiu con FESBAL que tamén inclúe outras dúas campañas anuais: a Doazón de Alimentos Frescos e Cambios solidarios, cuxo obxectivo é dar resposta ás necesidades básicas de alimentación dos colectivos máis necesitados.

FESBAL

A Federación Española de Banco de Alimentos (FESBAL), coa que EROSKI subscribiu acordos de colaboración desde hai 13 anos, representa a cincuenta bancos repartidos polo territorio nacional.

Os Bancos de Alimentos son institucións sen ánimo de lucro, integrados por voluntarios dedicados á recollida, almacenamento e distribución de alimentos para distintas institucións benéficas. Actualmente FESBAL, por medio dos 52 bancos de alimentos que integran a federación, atende a 6.556 entidades benéficas, e desta axuda estanse a beneficiar 884.995 persoas. O pasado ano, FESBAL distribuíu un total de 64 millóns de Kg. de alimentos.