Eroski Taldea Fundazioak kontsumitzaileei egokitu zaigun ingurune aldakor honi aurre egiteko irtenbideak eta erantzunak
eskaintzen dizkie. Eroskiri eta Consumi lotutako milaka kontsumitzaile eta langileren esfortzuaren fruitua da;
kooperatiba horiek liderrak dira banaketaren sektorean, eta hamarkada asko dira kontsumoari eta gizarte eta
ingurumeneko gaiei buruzko arloan sentsibilitate handia erakusten ari direla.
Eroski Taldeak gure Fundaziora bideratzen ditu etekinen zati bat eta, ekarpen horien bidez,
kontsumitzaileen aldeko ekimenak garatzen laguntzen digu, baita zabalkunde kanpainak egiten,
aldizkariak eta gidak argitaratzen, bekak eskaintzen, Hirugarren Munduari laguntzeko kanpainak antolatzen eta,
elikagaiak, jostailuak eta testuliburuak bilduz, elkartasun kanpainak garatzen ere.
Kontsumitzaileak dira ekimen horiek bultzatzen dituztenak, erosten dutenaren zati bat guztiontzako bizitza kalitate
hobea sustatzera bideratzen baita. Fundazio hau Patronatu batek gidatzen du, eta bertan Eroski taldea osatzen duten
sozietateek, kontsumitzaileek eta hainbat adituk dute ordezkaritza, azken horiek osasunari, ingurumenari, teknologia
berriei eta abarri buruz duten jakituria ematen dutelarik. Gainera, diziplinarteko talde tekniko zabala dauka, kontsumitzaileengandik oso gertu diharduena, beren beharrei etengabe erantzuteko proiektu sozial eta humanoa garatzeko helburua duena.
Eroski Taldea Fundazioa erakunde bizi eta parte hartzailea da, komunitate osoari informazio baliagarria
eta praktikoa ematen diona. Gainera, kontsumitzaileei dagozkien gauza guztietan etika eta gardentasuna
gailentzen direla zaintzeko konpromisoa dauka. Gure lanak hiru lerro nagusiri jarraitzen die: informazioa
kontsumitzaileari, berrikuntza eta gizarte ekimenak, eta garapen jasangarriaren sustapena.
Informazioa kontsumitzaileari
 Consumer EROSKI Estatuan tiradarik handiena duen aldizkaria da eta,
informazio egiazkoa eta zorrotza ematen duelarik, argitalpen
liderra da, gure eguneroko bizimoduan oso erabilgarria.
Interneteko osagarria CONSUMER EROSKI da, kontsumitzailearen egunerokoa
(www.consumer.es): egunero gaurkotzen den webgunea da, eta milaka orritan oso
informazio baliagarria ematen du. Horrez gainera, internautak gure fundazioak garatzen
edo babesten dituen ekimenei buruzko informazioa lortu nahi badu, www.fundaciongrupoeroski.es.
helbidean begira dezake.
Berrikuntza eta gizarte ekimenak
 Analisietarako laborategi propioa izateaz gainera, Eroski Taldea Fundazioak Bekak eta
Laguntzak sustatzen ditu Bioetikaren, Bioteknologiaren eta Elikaduraren Segurtasunaren
arloetan ikerketak egiteko. Eta kontsumitzaileei gizarte ekimenak proposatzen dizkie, hala nola GKE-ei laguntzea,
ezinduentzako lan kontratuak, Bidezko Merkataritza zabaltzeko kanpainak, ume iheslarientzako arropak, jostailuak,
elikagaiak eta testuliburuak biltzeko kanpainak, etab. Gainera, kultur dibertsitatea laguntzen eta bultzatzen du eta,
horretarako, tokian tokiko artea, hizkuntza eta tradizioak sustatzeko jarduerak garatzen ditu. Eta hitzarmenak izenpetzen
ditugu kultur erakundeekin edo literatur programak babesten ditugu.
Garapen jasangarria
Ingurumenaren babesak oso leku handia betetzen du Fundazio honetan eta,
besteak beste, Eroski Taldearen saltokietan ekintza ekologikoak garatzen ditu
berriro erabiltzeko poltsak, kamiseta-poltsak biltzea, sentsibilizazio kanpainak...,
ingurumenari eta tokian tokiko inguruneari lotutako laguntza programak eta ekimenak
laguntzen ditu, edota Hirugarren Munduko garapen jasangarriko proiektuetan parte hartzen du.
Protagonistak
Kontsumitzailea da Eroski Taldea Fundazioko egiazko protagonista.
Eroski Taldeko establezimenduetako bezeroak dira, eguneroko erosketa bertan eginez, gure
erakundea egunez egun babesten dutena, izan ere, Eroski Taldearen etekinen zati bat, Taldea osatzen
duten beste erakunde batzuen ekarpenekin batera, Eroski Taldea Fundaziora bideratzen da, Eroski eta
Consum kooperatiben Hezkuntza eta Sustapen Fondoaren bitartez. Pertsonek osatutakoa eta pertsonentzako
den proiektu honek, gainera, lankidetza hitzarmenak izenpetzen ditu hainbat erakunde, elkarte, fundazio,
museo, unibertsitate, ikerketa institutu eta GKErekin.
Eroski Taldea Fundazioko ekipoa pertsona talde zabal batek
osatzen du, eta hauek dira zuzendaritzako kideak:
Constan Dacosta
Lehendakaria
Arantza Laskurain
Zuzendari nagusia
Marta Areizaga
Gizarte Erantzukizuneko zuzendaria
Ricardo Oleaga
Informazio Produktuen zuzendaria
Carmen Picot
Kontsumitzaileen zuzendaria
Eduardo Cifrián
Kalitate Sistemen zuzendaria
Iñaki Larrabeiti
Produktu Kalitatearen Zuzendaria
Web proiektu honen garapenaren ardura Iker Merchanena eta Jol
Gisasolarena dira. Eta diseinua eta aplikazio informatikoen arduraduna New Media Publishing
da.
|
Informazioa kontsumitzaileari 
